Šaltinis
Puslapis
Žodžio numeris
Faksimilė:

 

Der gemeinen Jugent.
Jr Jungen ſeyt den Alten vnterthan / vnd be=
weyſet darinn die demut / Denn Gott widerſtehet
den hoffertigen / Aber den demuͤtigen gibt er gnade.
So demuͤtiget euch nun vnter die gewaltige Handt
Gottes / das er euch erhoͤht zu ſeiner zeit/ I. Pet. 5.
Den Widwen.
Welche eine rechte Widwe vnd einſam iſt / die
ſtellet jr hoffnung auff Gott / vnd bleibet am Ge=
bet tag vnd nacht. Welche aber in wolluͤſten lebt /
die iſt lebendig todt / I. Timo. 5.
Der Gemeine.
Liebe deinen Neheſten / als dich ſelbſt. Jn dem
wort ſind alle Gebot verfaſſet. Rom. 13. Vnd hal=
tet an mit Beten fuͤr alle Menſchen / I. Timot. 2.
Ein jeder lern ſein Lection /
So wird es wol im hauſe ſton.