Šaltinis
Puslapis
Žodžio numeris
Faksimilė:

 

So ſprach Gott zum Weibe: Jch wil dir viel
Schmertzen ſchaffen / wenn du Schwanger wirſt /
Du ſolt mit Schmertzen Kinder geberen / vnd dein
Will ſoll deinem Manne vnterworffen ſein / vnnd
er ſoll dein Herr ſein.
Vnd zum Man ſprach Gott: Dieweil du haſt
gehorchet der Stimme deines Weibs / vnd geſſen
von dem Baum / dauon Jch dir gebot / vnd ſprach:
Du ſolt nicht dauon Eſſen / Verflucht ſey der
Acker vmb deinet willen / mit kummer ſolſtu dich
darauff nehren / dein lebenlang / Dorn vnd Diſteln
ſoll er dir tragen / vnnd ſolt das Kraut auff dem
Felde Eſſen. Jm ſchweiß deines Angeſichts ſoltu
dein Brot Eſſen / biß das du wider zur Erden wer=
deſt / dauon du genommen biſt / Denn du biſt Erde /
vnd ſolt wider zur Erden werden.
Zum Dritten.
Zum dritten / So iſt das ewer Troſt / das jr
wiſſet vnd gleubet / wie ewer Standt fuͤr Gott an=
geneme / vnd geſegnet iſt / Denn alſo ſtehet geſchrie=
ben: Gott Schuff den Menſchen / Jm ſelbſt zum
Bilde / Ja zum Bilde Gottes ſchuff er jn. Er ſchuff
ſie ein Menlein vnd Frewlein / Vnd Gott ſegnet ſie /
vnd ſprach zu jnen: Seid fruchtbar / vñ mehret euch /
vnd erfuͤllet die erden / vñ macht ſie euch vnterthan /