Šaltinis
Puslapis
Žodžio numeris
Faksimilė:

 

Pontio Pilato / Gecreutziget / Geſtorben /
vnd begraben / Nidergefaren zur Hellen /
Am dritten tage aufferſtanden vonn den
Todten Auffgefaren gen Himel / ſitzende zu
der rechten Gottes des Allmechtigen Vat=
ters / von dannen er kommen wirdt zu rich=
ten die Lebendigen vnd die Todten.
Was iſt das?
Antwort.
Jch gleube das Jeſus Chriſtus warhafftiger
GOTT vom Vatter inn ewigkeit geporn / vnnd
auch warhafftiger Menſch von der Jungkfrawen
Maria geborn / ſey mein HERR / der mich ver=
lornen vnnd verdampten Menſchen erloͤſet hat/ er=
worben / gewonnen / vnnd von allen ſuͤnden / vom
Todt vnd von der gewalt des Teuffels / Nicht mit
Goldt oder Silber / Sondern mit ſeinem heyligen
theuren blut / vnd mit ſeinem vnſchuldigen Leyden
vnd Sterben / Auff das ich ſein eygen ſeye / vnd in
ſeinem Reych vnter jm lebe / jm diene in ewiger Ge=
rechtigkeit / Vnſchuld / vnd Seligkeyt / Gleich wie
er iſt aufferſtanden vom Tode / Le=
bet vnd Regieret in Ewigkeyt.
Das iſt gewißlich war.