Šaltinis
Puslapis
Žodžio numeris
Faksimilė:

 

Vnſer teglich Brodt gib vns heute.
Was iſt das? Antwort.
GOTT gibt teglich Brodt / auch wol ohn
vnſer Bitte / allen boͤſen Menſchen / Aber wir bitten
in dieſem Gebet / das er vns erkennen laſſe / vnd mit
danckſagung empfahen vnſer teglich Brodt.
Was heiſt denn teglich Brodt?
Antwort.
Alles was zur Leybs narung vnnd notturfft
gehoͤrt / als Eſſen / Trincken / Kleyder / Schuch /
Hauß / Hoff / Acker / Vihe / Gelt / Gut / frumb Geſin=
de / fromme vnd trewe Oberherrn / gut Regiment / gut
Wetter / Friede / Geſuntheit / Zucht / Ehr / gute Freun
de / getrewe Nachbaren / vnd des gleichen.
Die Fuͤnffte Bitte.
Vnnd verlaſſe vns vnſer ſchulde / Als
wir verlaſſen vnſern Schuldigern.