Šaltinis
Puslapis
Žodžio numeris
Faksimilė:

 

Denn es ſpricht die Schrifft / Du ſolt dem
Ochſen der da Dreſchet / nicht das maul verbinden.
Jtem / Ein Arbeiter iſt ſeines lohns werdt / I.
Timotheo am 5.
Wir bitten euch lieben Bruͤder / das jhr erken=
net / die an euch arbeiten / vnd euch fuͤrſtehen in dem
Herrn / vnd euch vermanen / habt ſie deſte lieber vmb
jhres wercks willen / vnnd ſeid friedſam mit jhnen /
I. Teſſalonier. Am 5.
Gehorchet ewern Lehrern / vnd folget jhnen /
Denn ſie wachen vber ewer Seelen / als die da Rech=
enſchafft dafuͤr geben ſollen / Anff das ſie es mit
freuden thun / vnd nicht mit ſeufftzen / Denn das iſt
euch nicht gut / Ebreern am 13.
Von Weltlicher Obrigkeit.
Jederman ſey vnterthan der Obrigkeyt / die
gewalt vber jn hat / Denn es iſt kein Obrigkeit / ohn
Gott. Wo aber Obrigkeyt iſt / die iſt vonn Gott ge=
ordnet. Wer ſich nun wider die Obrigkeyt ſetzet der
widerſtrebet Gottes Ordnnng. Die aber widerſtre=
ben / werden vber ſich ein Vrtheyl empfahen.
Denn ſie tregt das Schwerdt nicht vmb ſonſt /
Sie iſt Gottes Dienerin / eine Racherin zur ſtraffe
vber den / der boͤſes thut / Romano. am 13.